Archivo de la categoría: actos

Insignia de Ouro 2018 de ASOMEGA

20181129_214134O presidente do Parlamento de Galicia, Miguel Ángel Santalices Vieira, recibiu esta noite en Madrid a Insignia de Ouro 2018 da Asociación de Médicos Gallegos (ASOMEGA), un acto no que destacou que a asunción das transferencias sanitarias marcou un punto de inflexión na mellora asistencial e puxo en valor a excelente capacitación dos facultativos  galegos.

A xuízo de Santalices, pódese falar de “un antes e un despois” da transferencia do antigo Insalud a Galicia, efectiva a partir do 1 de xaneiro de 1991, un punto de inflexión que marcou o inicio dunha constante mellora da oferta e a calidade asistencial que o Sergas presta na Comunidade Autónoma.

A transferencia permitiu que “foramos capaces de definir as nosas propias necesidades sanitarias, tendo en conta as peculiaridades da poboación”. Recordou o presidente do Parlamento, que coa asunción das competencias en materia de asistencia sanitaria, Galicia asumiu o reto de organizar e xestionar os seus propios recursos sanitarios, un desafío superado con éxito, convertendo ao sistema sanitario galego nunha referencia.

Como exemplo das novidades introducidas, Santalices citou a historia clínica electrónica (Ianus), a receita electrónica, o teléfono 061 de urxencias sanitarias, e as novas infraestruturas sanitarias postas en servizo, tanto no ámbito hospitalario (entre as que citou o Hospital Público Alvaro Cunqueiro de Vigo, a maior obra destas características acometida en España nos últimos anos e unha das maiores de Europa), como no da atención primaria, coa construción e mellora dunha extensa rede de centros de saúde, especialmente no ámbito rural.

O presidente do Parlamento apuntou que “sempre é bo acudir á fonte limpa na asistencia sanitaria, e os médicos de ASOMEGA son unha das nosas fontes limpas, porque son facultativos de referencia”.

Santalices Vieira confesouse emocionado e ilusionado por este recoñecemento, na medida en que é outorgado por médicos galegos que exercen en postos estratéxicos de centros de referencia e fixo extensiva a distinción a todas as compañeiras e compañeiros cos que compartiu responsabilidades profesionais no Sergas e tamén aos seus colaboradores directos nos diferentes destinos.

Ao igual que no exercicio da medicina, Santalices recordou que tamén no Parlamento é necesario contar coa opinión dos mellores expertos en cada materia de cara a elaborar lexislación de calidade.

A Lei de racionalización do gasto na prestación farmacéutica, que implantou o catálogo priorizado de fármacos que estendeu o uso de xenéricos; a Lei de garantías de prestacións sanitarias, que regula cuestións como o dereito a dispoñer dunha  segunda opinión médica ou a manifestar as instrucións previas; ou a Lei de  dereitos  e  garantías  da  dignidade  das  persoas  enfermas terminais, que regula os coidados sanitarios ao final da vida, son exemplos de normas elaboradas polo Parlamento de Galicia contando coa opinión de expertos, e tamén dando resposta ao sentir da cidadanía.

Para Santalices, unha das claves de que algunha destas normas teña sido tomada como referencia noutros puntos de España reside na sensibilidade amosada polas deputadas e deputados do Parlamento de Galicia respecto aos criterios que lles foron trasladados previamente polos profesionais sanitarios e polas persoas usuarias do sistema.

Anuncios

O Parlamento de Galicia recibe en Asturias o Pupitre de Honra

20181126_181450O titular do Lexislativo galego, Miguel Ángel Santalices Vieira, recolleu esta tarde en Vegadeo (Asturias) o Pupitre de Honra concedido ao Parlamento de Galicia como recoñecemento ao apoio brindado pola Cámara galega ao Foro Comunicación y Escuela, que celebra o seu décimo aniversario.

O presidente do Parlamento de Galicia felicitou aos promotores desta iniciativa educativa da que destacou, ademais, a súa aposta polos hábitos de vida saudables. Amosouse encantado con este recoñecemento, que relacionou coa aposta do Parlamento de Galicia por abrirse á sociedade, tanto para potenciar as visitas ao Pazo do Hórreo, como para divulgar e animar a utilizar as diferentes posibilidades de participación cidadá na actividade parlamentaria.

Santalices resaltou o acerto que supoñen as diferentes iniciativas de cooperación impulsadas por asturianos e galegos, e puxo como exemplo o traballo dos presidentes das dúas comunidades en materia de financiamento autonómico, dispersión poboacional ou demografía.

O acto contou tamén en coa asistencia, entre outras autoridades, do presidente da Xunta Xeral (Parlamento) do Principado de Asturias, Pedro Sanjurjo; e do delegado da Xunta de Galicia en Lugo, José Manuel Balseiro.

Sesión extraordinaria da Real Academia Galega de Medicina de Galicia

IMG_0758O Parlamento de Galicia acolleu esta tarde a celebración dunha sesión extraordinaria da Real Academia Galega de Medicina de Galicia, na que se abordaron diferentes aspectos da epidemia de gripe de 1918.

O presidente da Cámara, Miguel Ángel Santalices Vieira, subliñou que a desta tarde foi a primeira sesión que unha academia celebra na Cámara galega ao longo dos case 37 anos de vida da institución.

Enmarcou este acto no estratexia de “Parlamento aberto” coa que se  persegue tanto que a sociedade coñeza a institución, como a participación cidadá a través dos diferentes mecanismos establecidos a tal efecto.

Santalices agradeceu a colaboración da Real Academia de Medicina de Galicia e a boa acollida da iniciativa por parte do decano da Facultade de Medicina da USC.

Tamén resaltou a colaboración da Consellería de Sanidade nas diferentes iniciativas de divulgación impulsadas polo Parlamento de Galicia (reanimación cardiopulmonar e manexo de desfibrilador semiautomático, prevención do melanoma ou do glaucoma, entre outras) e a boa acollida prestada á xornada de hoxe, na que ademais de afondar en diferentes aspectos da gripe de 1918, se chamou a atención sobre a importancia das campañas de vacinación antigripal.

A sesión científica comezou cun relatorio do Dr. Benito Regueiro García sobre “O virus causal da gripe de 1918 e a súa pervivencia ata os nosos días”. Continuou cunha disertación do Dr. Juan Jesús Gestal Otero, que falou sobre “Singularidades e enigmas desta pandemia”, ao que seguiu unha intervención do Dr. José Carro Otero, presidente da Real Academia de Medicina de Galicia,  que analizou os “Aspectos médico-sociolóxicos da gripe de referencia”.

A clausura da sesión correu a cargo do decano da Facultade de Medicina da Universidade de Santiago, Julián Álvarez Escudero; o conselleiro de Sanidade da Xunta, Jesús Vázquez Almuiña; e o presidente do Parlamento de Galicia, Miguel Ángel Santalices Vieira.

Dase a circunstancia de que parte da actual sede do Parlamento de Galicia foi cedida parcialmente ao Exército en setembro de 1918 pola necesidade de locais provocada pola epidemia de gripe que afectaba daquela á tropa acuartelada na cidade. O pazo do Hórreo albergou unha Escola de Veterinaria entre 1915 e 1924, ano no que pasou definitivamente ao Exército.

Inauguración da exposición “Alba de Gloria de Castelao. Unha experiencia”, organizada polo Consello da Cultura Galega

IMG_0456O presidente do Parlamento de Galicia, Miguel Ángel Santalices Vieira, participou esta tarde na inauguración da exposición “Alba de Gloria de Castelao. Unha experiencia” organizada polo Consello da Cultura Galega e que quedou aberta ao público na igrexa de San Domingos de Bonaval, en Santiago.

Santalices felicitou ao equipo do Consello de Cultura Galega por este traballo e destacou o labor do comisario da mostra, Manuel Gago, por ter deseñado unha iniciativa que “axudará a coñecer e interpretar mellor a nosa historia e os seus protagonistas”.

O presidente do Parlamento reiterou que “a autonomía política que Galicia exerce hoxe é tributaria do traballo previo que no pasado desenvolveron persoeiros como Castelao, como Alexandre Bóveda, como Rajoy Leloup ou como Otero Pedrayo, por citar tan só algúns da extensa nómina de galegos bos e xenerosos aos que recordaremos sempre pola súa absoluta entrega a Galicia”.

Nesta liña, Santalices amosouse convencido de que “esta exposición contribúe a saldar a débeda de recoñecemento público que as xeracións actuais mantemos tanto con Castelao como cos demais patriotas galegos coetáneos”.

Foro Real Aeroclub Santiago

Aeroclube SantiagoO presidente do Parlamento de Galicia, Miguel Ángel Santalices Vieira, participou hoxe nun coloquio con integrantes do Real Aeroclub de Santiago de Compostela, aos que explicou os diferentes mecanismos de participación cidadá habilitados pola Cámara galega.

Explicou Santalices que a Lei de iniciativa lexislativa popular e participación cidadá no Parlamento de Galicia, aprobada en 2015, ampliou as posibilidades existentes ata entón e reduciu os requisitos esixibles. Na actualidade, a participación cidadá no Parlamento de Galicia pode materializarse a través de cinco modalidades diferentes: proposicións de lei de iniciativa popular, participación popular na elaboración das leis, proposición non de lei de iniciativa popular, proposta de preguntas ao Goberno, e dereito de petición perante o Parlamento de Galicia.

O presidente do Parlamento apuntou que ademais de apoiar a participación popular, a Cámara galega está inmersa nunha estratexia de apertura da institución nunha dobre dirección: que a cidadanía visite a coñeza a sede do Lexislativo galego, e tamén que deputados e deputadas teñan unha maior presenza na sociedade.

O coloquio de hoxe, canda outras charlas e conferencias que o precederon, enmárcanse precisamente na aposta da Cámara por incrementar a súa proxección exterior.

Visita o Centro Galego de Barcelona

Centro Galego Barcelona, 03-10-2018O presidente do Parlamento de Galicia, Miguel Ángel Santalices Vieira, efectuou esta tarde unha visita ao Centro Galego de Barcelona, durante a que mantivo un encontro co novo equipo directivo da entidade e se interesou polo traballo que desenvolven e os proxectos de futuro.

A visita responde a unha invitación formulada polo actual presidente do Centro Galego de Barcelona, Carlos Mandianes, logo de acceder a ese cargo.

Santalices reiterou a “débeda de gratitude”  que Galicia mantén co Centro Galego de Barcelona que, desde a súa fundación en  1892 “actuou e actúa como faro e guía para a nosa cultura, tamen como lar agarimoso para tantos paisanos que sofriron o desarraigo en carne propia nos primeiros tempos da emigración”.

Durante o encontro, o presidente do Centro Galego de Barcelona entregou a Santalices un exemplar do libro Portela Valladares: Ante el Estatuto, editado polo Centro Galego de Barcelona coa colaboración do Parlamento. O libro, do que é autor Manoel Carrete, reproduce unha conferencia pronunciada por Portela Valladares no Centro Galego de Barcelona  en 1932 e inclúe un estudo introdutorio sobre a figura do conferenciante.

Acto institucional do Día da Policía

O presidente do Parlamento de Galicia, Miguel Ángel Santalices Vieira, agradeceu, no acto institucional celebrado este mediodía no Auditorio de Galicia, en Santiago, co gallo da celebración do Día da Policía, o traballo dos corpos de seguridade “fronte aos irresponsables que sistematicamente se empeñan en vulnerar a lei”.20181002_santalices_09

Ao fío da celebración do 40 aniversario da vixente Constitución española, Santalices reivindicou a vixencia e o resultado da Carta Magna, á que atribuíu  a “harmonía” social e o “crecemento económico” rexistrado nas últimas décadas, ademais de destacar o sistema de “liberdades e dereitos” consagrados no texto.

Santalices felicitou aos axentes condecorados no acto, ao tempo que apuntou que nunha sociedade individualista como a actual, o labor da Policía destaca como exemplo de solidariedade e servizo aos demais, entre os que se referiu ao labor no ámbito da violencia machista e a protección das perdoas máis vulnerables, entre outros cometidos.

Os actos de celebración do Día da Policía comezaron cunha cerimonia relixiosa na Catedral de Santiago.