Archivos Mensuales: marzo 2017

Súmome á campaña que busca rachar barreiras polo autismo #DiaMundialAutismo #AutismoGalicia #Autism-Europe

DSC_0060

Anuncios

O presidente da Organización Médica Colexial visita o Parlamento de Galicia

DSC_0005O presidente da Organización Médica Colexial (OMC) de España, Serafín Romero Agüit, acompañado por membros da Comisión Permanente do Consello Xeral de Colexios Oficiais de Médicos de España e polo presidente do Colexio Oficial de Médicos da Provincia da Coruña, Luciano Vidán, visitou este mediodía o Parlamento de Galicia, onde foi recibido polo titular da institución, Miguel Ángel Santalices Vieira.

No encontro, o presidente do Parlamento de Galicia interesouse polas diferentes liñas de traballo que está a desenvolver a Organización Médica Colexial e explicou que a Sanidade presenta un notable protagonismo na actividade da Cámara galega.

A entrevista co presidente do Parlamento de Galicia enmácase na axenda de traballo que o responsable da OMC desenvolve hoxe respondendo a unha invitación formulada polo Colexio Oficial de Médicos da Provincia da Coruña.

A valedora do Pobo entrega o Informe Ordinario de 2016

A valedora do Pobo, Milagros Otero Parga, entregou esta mañá ao presidente do Parlamento de Galicia, Miguel Ángel Santalices Vieira, o Informe Ordinario elaborado por esta institución e correspondente ao exercicio de 2016.DSC_0013

Comeza, deste xeito, a tramitación parlamentaria do Informe, que previsiblemente será cualificado mañá martes pola Mesa da Cámara, continuará cunha comparecencia da valedora ante a Comisión de Peticións e rematará cunha comparacencia da valedora ante o Pleno do Parlamento de Galicia.

López Abella entrega ao presidente do Parlamento o Informe sobre violencia de xénero de 2016

A secretaria xeral de Igualdade da Xunta, Susana López Abella, entregou este venres ao presidente do Parlamento de Galicia, Miguel Ángel Santalices Vieira, o Informe anual de seguimento da Lei 11/2007, do 27 de xullo, galega para a prevención e o tratamento integral da violencia de xénero, correspondente ao exercicio de 2016.Susana López Abella, entregará ao presidente do Parlamento galego, Miguel Santalices, o Informe anual correspondente a 2016 de seguimento da Lei 11/2007, do 27 de xullo, para a prevención e o tratamento integral da violencia de xénero

A secretaria xeral presentará o informe na Cámara lexislativa o vindeiro 29 de marzo, na Comisión 5ª, Sanidade, Política Social e Emprego.

Presentación do libro “Veinticinco años dando vida a los años”

IMG-20170323-WA0004O presidente do Parlamento de Galicia, Miguel Ángel Santalices Vieira, participou este mediodía no acto de presentación do libro “25 anos dando vida aos anos”,  editado pola Fundación San Rosendo para recomplicar o seu cuarto de século de existencia.  “Como ourensán e como galego é unha honra que o modelo desenvolvido pola Fundación San Rosendo  se teña convertido nun referente nacional e internacional no referido á atención ás persoas maiores”, afirmou Santalices.

A xuízo do titular do Lexislativo galego, aínda que este libro se centra no tempo transcorrido desde a posta en marcha da Fundación, para entender a filosofía da mesma é preciso voltar a vista atrás, ao comezo da década dos 70, cando o seu fundador e presidente de honra iniciou o seu labor en Ourense.

“Don Benigno –afirmou Santalices Vieira- foi sempre un adiantado ao seu tempo, e así o acreditan moitas das iniciativas que impulsou, pioneiras no seu contexto”, como as garderías infantís, nun momento no que aínda era escasa a incorporación da muller ao mercado laboral, ou a posta en marcha de residencias da terceira idade “desde unha visión integradora, orientada a evitar o desarraigo da persoa”.

No acto, celebrado no Hotel Balneario Arnoia Caldaria e co que se pecha a programación oficial conmemorativa do 25 aniversario da Fundación San Riosendo, o presidente do Parlamento recordou tamén que Benigno Moure impulsou iniciativas de atención e formación para colectivos marxinados, a promoción de vivendas sociais, a asistencia enfermos e de VIH, a atención ás adiccións ou, máis recentemente, a posta en valor do potencial termal da provincia de Ourense.

Nun momento no que o declive demográfico constitúe “unha ameaza en toda regra”, Santalices Vieira sinalou que este feito, “reporta tamén algunhas oportunidades, como as derivadas da atención ao colectivo das persoas maiores”.

Para Santalices, “na Fundación San Rosendo temos, sen dúbida, un magnífico exemplo do camiño a seguir, e así o poñen de manifesto os seus 70 centros e un cadro de persoal integrado por máis de 1600 traballadores e traballadoras”.IMG-20170323-WA0006

Integrantes da Asociación de Viúvas de Ourense visitan o Parlamento de Galicia

Un grupo de integrantes da Asociación de Viúvas de Ourense efectuou este xoves unha visita guiada ao Parlamento de Galicia, onde foron recibidas polo presidente da Cámara, Miguel Ángel Santalices Vieira.DSC_0039

Durante o encontro, o presidente da Cámara explicou a historia e o funcionamento do Parlamento de Galicia, ademais de responder ás preguntas que lle foron formuladas. Tamén participaron na concentración convocada polo Parlamento este mediodía en memoria das vítimas do atentado de Londes e en repulsa do terrorismo.

O presidente do Parlamento participa na entrega dos Premios Down Compostela

IMG_1748

O presidente do Parlamento de Galicia, Miguel Ángel Santalices Vieira, participou este tarde no acto de entrega dos VI Premios Down Compostela, que nesta edición recaeron en Carmen Barbeito Manteiga, o Colexio Divino Maestro e XADE (Multiusos de Sar-Santa Isabel) polo seu traballo a prol da mellora da calidade de vida das persoas con síndrome de Down e discapacidade intelectual.

Na súa intervención, Santalices Vieira recoñeceu a utilidade de iniciativas como a desta tarde, na medida en que contribúen a visibilizar a  realidade das persoas con síndrome de Down, “unha realidade que, desgrazadamente, dista moito de acadar a plena integración que todos desexamos”. “Actos como o de hoxe resultan precisos e o seguirán sendo mentres persistan as eivas que todos coñecemos”, dixo.

O presidente do Parlamento expresou o seu recoñecemento ao traballo que desenvolve  Down Compostela, que “traballa de maneira incansable na procura dunha vida mellor para estas persoas”, e valorou tamén o labor do conxunto do tecido asociativo a favor das persoas con discapacidade.

Nesta liña, Santalices apuntou que “as portas do Parlamento de Galicia –incluídos os diferentes mecanismos de participación cidadá habilitados nos últimos tempos- e a porta do meu despacho están permanentemente abertas para vostedes, ao igual que para calquera colectivo que defenda melloras na calidade de vida das persoas”.

Logo de reafirmar o seu respecto polas decisións xudiciais, Santalices Vieira expresou a súa “solidariedade e apoio a Down Compostela na súa campaña de sensibilización respecto aos dereitos das persoas afectadas por esta síndrome, e moi particularmente en defensa  do dereito ao voto das persoas con discapacidade intelectual”.  Ao seu xuízo, “limitacións deste tipo resultan incompatibles coa aspiración unanimemente compartida de avanzar na autonomía das persoas con discapacidade intelectual”.